overview

મેહસાણા જીલ્લા મિત્રમંડળ (MMM) ની સ્થાપના તા. ૨૬-૦૧-૭૭ ના રોજ કરવામાં આવી હતી. દાંડીયા બજાર, ભરૂચ માં આવેલ શ્રી ઉમિયા માતાજીના મંદિરમાં મળેલા મેહસાણા જીલ્લાના બંધુઓની ભાવના એક બીજાનો સહકાર સાધીને કાર્યમાં સહાયરૂપ થવાની હતી. આ ઉદેશથી મંડળના વિકાસ અને ઉત્કર્ષના હેતુથી ૧૯૯૦ માં પ્રથમ કારોબારીની રચના પ્રો. નરોત્તમભાઈ વાળંદના પ્રમુખ સ્થાને કરવામાં આવી. તા. ૨૫-૦૩-૧૯૮૬ના શુભ દિવસે મંડળનું રજીસ્ટ્રેશન સાર્વજનિક ટ્રસ્ટીની નોંધણી કચેરીએ રજી. નંબર: ઈ/૧૩૭૧ દ્વારા કરવામાં આવેલ સાથે ટ્રસ્ટના બંધારણમાં ટ્રસ્ટના ઉદેશો, ટ્રસ્ટીઓ વગેરેની નોંધ કચેરીએ નોંધાવવામાં આવેલ. મેહસાણા જીલ્લા મિત્રમંડળનું કાર્યક્ષેત્ર ૧૯૮૧માં વિસ્તૃત કરીને અંકલેશ્વરમાં વસતા જીલ્લાના ભાઈઓને સમાવવામાં આવ્યા, તે સમયે ૧૨૮, આજીવન તથા ૧૧૯ વાર્ષિક સભ્યોની નોંધ થયેલ હતી.